Mabaadii'da Xisbiga

Xisbigu wuxuu aaminsan yahay:

A. Badbaadada iyo sugidda madax-bannaanida qaranka Soomaaliyeed;

B. Midnimada iyo wadajirka dalka iyo dadka Soomaaliyeed;

C. Dhibaatooyinka Soomaaliya waxaa lagu xallin karaa oo keliya awood Somaaliyeed, dhaqaale
    Soomaaliyeed iyo talo Soomaaliyeed;

D. Dardargelinta dhismaha iyo adkaynta haykalka dawladnimo

E. Wadatashi ku saleysan is ixtiraam iyo is tixgelin oo gogoldhig u yahay dhaqanka Somaaliyeed iyo diinta Islaamka;

F. Ilaalinta xuduudaha dalka badd iyo beri iyo dhowrista deris wanaagga dalalka jaarka ah;

G. La dagaallanka qabyaaladda iyo masuqmaasuqa iyo horumarinta awoodda qofka Soomaaliga
    ah iyadoo aan loo eegin qabiil, gobol, jinsi iwm;

H. Dhiiri gelinta hanashada aqoonta, hal-abuurka iyo isticmaalka teknoolojiyadda casriga ah;

I. Ilaalinta deegaanka iyo joojinta xaalufidda dhirta.